ياصغير السن قدرك طاحت ابراجه

ياصغير السن قدرك طاحت ابراجه
الجرح خلا الصخر ينطق ونطقني

خلاص ماعاد تعنني ولا حاجه
جعل ربي يوفقك ويوفقني

من بعد نور القلب وسراجه
اليوم صرت الظلام اللي يطوقني
عطيتك اكثر من اللي كنت تحتاجه
اسرفت بالحب لين الحب وهاقني
خلاص مالي ومال الحب وازاعاجه
مالي ومال الدروب اللي تضايقني
تعبت اضم البحر واهدي امواجه
تعبت اجامل واشوف الوقت يسرقني
شكواي عليه الضيق وافراجه

اذا شاء يرحمني ويرزقني
ام انت يابو جبين عقد احجاجه
لا عاد تسل علمك مانت طايقني
الناس كلن على دربه ومنهاجه
وانا عن الناس مافيه شي يفرقني
الا اني دائم احب الصدق واواجه
مخلوق والله على هالوضع خالقني
حتى رقفي ضماد القلب واعلاجه
على كثر ما تمسكت فيه صدقني
لو ادري انه مرفقني ع حاجه
لا امسكه حاجته واقول فارقني

Posted in: خواطر